Прадстаўнік АБСЕ: Інтэрнэт нельга рэгуляваць за кошт ушчамлення свабоды выказвання
Рэгуляванне інтэрнэту ўрадам не выклікае пярэчанняў, калі размова ідзе пра абарону прыватнага жыцця, супрацьдзеянне тэрарызму і іншым пагрозам, але яно павінна рабіцца «не за кошт ушчамлення свабоды выказвання і свабоды патоку інфармацыі».Пра гэта заявіла, выступаючы 3 чэрвеня на адкрыцці
Паводле яе слоў, «перавагі новых СМІ не павінны зведваць пераслед». Міятавіч падкрэсліла, што і «бізнес не можа развівацца, калі свабода інтэрнэту парушаецца».
Прадстаўнік АБСЕ па пытаннях свабоды СМІ адзначыла важнасць свайго афіцыйнага візіту ў Беларусь, першага пасля 2010 года.Яна паведаміла, што цягам двух дзён правядзе сустрэчы з высокапастаўленымі чыноўнікамі, прадстаўнікамі грамадзянскай супольнасці, журналісцкай супольнасці і недзяржаўных арганізацый Беларусі. Міятавіч таксама падкрэсліла, што ў канцы візіту зробіць заяву.
Дунья Міятавіч 3–5 чэрвеня знаходзіцца ў Беларусі з афіцыйным візітам.Запланаваны яе сустрэчы з высокапастаўленымі беларускімі чыноўнікамі, уключаючы міністра замежных спраў Уладзіміра Макея і прадстаўнікоў Адміністрацыі прэзідэнта, Палаты прадстаўнікоў Нацыянальнага сходу, Вярхоўнага суда і Міністэрства інфармацыі, а таксама з прадстаўнікамі Беларускай асацыяцыі журналістаў і Беларускага саюза журналістаў, журналістамі, актывістамі грамадзянскай супольнасці.
Нагадаем, апошнім разам Міятавіч наведвала Беларусь у кастрычніку 2010 года. Яна таксама хацела прыехаць у Мінск адразу пасля жорсткага разгону акцыі супраць афіцыйных вынікаў прэзідэнцкіх выбараў 19 снежня 2010 года. У ліку соцень затрыманых падчас акцыі грамадзян былі і незалежныя журналісты, у прыватнасці Ірына Халіп і Наталля Радзіна. Яны праходзілі як падазроныя па крымінальнай справе аб масавых беспарадках і ўтрымліваліся ў следчым ізалятары КДБ. Міятавіч двойчы звярталася да Сяргея Мартынава (у той час міністр замежных спраў Беларусі) з просьбай дапамагчы арганізаваць яе візіт у Мінск, аднак рэакцыі на яе лісты не было.
Увесь гэты час Міятавіч неаднаразова крытыкавала афіцыйны Мінск за сітуацыю са свабодай слова ў Беларусі і пераслед незалежных журналістаў.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе31
Каментары