Моцны дождж пачаўся ў сталіцы прыблізна аб 11:00 і йшоў прыблізна да 12 гадзінаў, пасьля чаго сьцішыўся.
За гэты час некаторыя вуліцы пераўтварыліся ў вадаёмы, што зрабіла немагчымым рух транспарту.
На здымках — галоўны праспект беларускай сталіцы, праспект Незалежнасці, у раёне станцыі метро Парк Чалюскінцаў.
Па сканчэнні залевы праспект перакрылі каля парка Чалюскінцаў супрацоўнікі ДАІ.
Падтапленне ст.метро «Парк Чалюскінцаў». Відэа tut.by.
***
Сіноптыкі аб’явілі аранжавы ўзровень небяспекі ў нядзелю. Днём 14 ліпеня на большай частцы тэрыторыі Беларусі чакаюцца навальніцы.
***
У часе залевы МНС рэкамендуе:
Пры атрыманні інфармацыі пра выпадзенні вялікіх ападкаў устрымайцеся ад паездак па горадзе, па магчымасці заставайцеся ў кватэры ці на працы. Уключыце сродкі праваднога і радыёвяшчання.
Калі залева заспела вас на вуліцы, не спускайцеся ў падземныя пераходы і іншыя заглыбленыя памяшканні. Паспрабуйце схавацца ў будынках, размешчаных вышэй магчымага ўзроўню падтаплення.
Калі будынак (памяшканне), у якім вы знаходзіцеся, падтапляецца, паспрабуйце пакінуць яго і перайсці на бліжэйшае ўзвышша.
Калі пакінуць будынак не ўяўляецца магчымым, то падніміцеся на верхнія паверхі, выключыце электрычнасць і газ, шчыльна зачыніце вокны, дзверы і паведаміце пра сваё месцазнаходжанне ў дзяжурную службу МНС па тэл. 101.
Калі залева застала вас у асабістым транспарце, не спрабуйце пераадолець падтопленыя ўчасткі. Павольна перамясціцеся ў крайні правы шэраг (на ўзбочыну) і, не звяртаючыся да экстранага тармажэння, спыніце рух. Уключыце аварыйныя сігналы і перачакайце залеву. У выпадку імклівага прыбывання вады пакіньце аўто і прайдзіце на вышэйшы ўчастак мясцовасці або ў бліжэйшы будынак.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары