Падчас аператыўнага суправаджэння праграмы мадэрнізацыі
горадаўтваральных прадпрыемстваў Гродна, а таксама праграмы інавацыйнага развіцця Міністэрства прамысловасці на 2011–2015 гады ў
злачынстваў УУС Гродзенскага аблвыканкама праводзілася праверка ў дачыненні да службовых асоб ААТ «Белкард» па факце неабгрунтаванай выплаты штогадовай адначасовай узнагароды службовым асобам акцыянернага
таварыства.
Як паведаміла старшы оперупаўнаважаны па асабліва важных справах ГУБЭЗ МУС Вераніка Пасмеццева, аператыўнікі сумесна са спецыялістамі КДК устанавілі, што прадпрыемства «Белкард» не выканала даведзенае заданне па аб’ёме інвестыцый на 2012 год (даведзены план прадпрыемства — 21 млрд. рублёў, па справаздачах указана 21,078 млрд. рублёў, а па выніках — 18,123 млрд. рублёў).
Як высветлілася, па сваёй няўважлівасці недакладныя звесткі пра інвестыцыі ў асноўны капітал унесла ў дзяржаўную справаздачнасць бухгалтэрыя прадпрыемства, аднак кіраўніцтвам ААТ быў выдадзены загад на выплату штогадовай адначасовай узнагароды і шэраг службовых асоб
незаконна прэміраваныя на агульную суму больш як 610 млн. рублёў.
Для пакрыцця незаконна атрыманых грашовых сродкаў кіраўніцтвам ААТ «Белкард» адмененыя загады на выплату штогадовай адначасовай узнагароды службовым асобам прадпрыемства. У касу прадпрыемства кіраўніцтвам і службовымі асобамі ўжо добраахвотна ўнесена больш як 436 млн. рублёў, астатнюю суму ўтрымаюць з іх заработнай платы.
ААТ «Белкард» — адзін з найбуйнейшых вытворцаў карданных перадач і валаў у Еўропе.
Каментары