На гэтым тыдні ў Беларусі чакаюцца спачатку кароткачасовыя, а затым больш працяглыя дажджы.
Пра гэта сёння ў час відэабрыфінгу паведаміла дзяжурны сіноптык Рэспубліканскага гідраметэацэнтра Юлія Хоміч.
Паводле слоў сіноптыка, антыцыклон, які ў апошнія дні фармаваў у многіх раёнах краіны сухое і сонечнае надвор’е, стаў перамяшчацца ва ўсходнім кірунку. Атмасферны ціск на тэрыторыі Беларусі стаў падаць, пачалі ссоўвацца сюды больш вільготныя паветраныя масы з Заходняй Еўропы.
Гэтай ноччу ў большасці раёнаў краіны яшчэ захаваецца сухое надвор’е. Але ўжо ў аўторак, у ранішнія і дзённыя гадзіны, стане больш аблокаў, месцамі пройдуць кароткачасовыя дажджы.
Вецер будзе паўднёвым,
Тэмпература паветра ў начныя гадзіны складзе плюс 6–11 градусаў, па захадзе Брэсцкай і Гродзенскай абласцей — ад 12 да 13 градусаў вышэй за нуль.
У дзённыя гадзіны паветра прагрэецца да 17–23 градусаў.
У сераду і чацвер пад уплывам няўстойлівага паветра з Заходняй Еўропы начныя тэмпературы паветра складуць плюс 7–13 градусаў, у сярэдзіне дня будзе ад 15 да 22 градусаў.
«Такі тэмпературны фон на 2–3 градусы перавышае кліматычную норму, характэрную для гэтых дзён верасня», — адзначыла Юлія Хоміч. Месцамі пройдуць кароткачасовыя дажджы, ноччу і раніцай існуе верагоднасць з’яўлення ў асобных раёнах туманаў, якія могуць пагоршыць бачнасць на дарогах да 300–900 м.
У пятніцу і выхадныя дні
паўднёва-заходнія вятры пачнуць пастаўляць на тэрыторыю Беларусі вільготнае паветра з Міжземнага мора.
«Акрамя таго, над поўначчу Італіі чакаецца ўтварэнне цыклону, які будзе перамяшчацца на Кіеўскую вобласць праз Карпаты. Пад яго ўплывам на паўднёвым усходзе Беларусі могуць прайсці больш працяглыя дажджы» , — дадала сіноптык.
Тэмпература паветра ўначы складзе плюс 8–15 градусаў, днём у асноўным чакаецца 13–18 градусаў са знакам плюс.
У сувязі з тым, што месцамі па паўночным захадзе краіне сіноптыкі абяцаюць праясненне, паветра там можа прагрэцца да 19–22 градусаў. Вецер спачатку будзе паўднёвым,
Цяпер чытаюць
Ціханоўскі: Ціханоўскай можна было ў 2020‑м не пабаяцца турмы. І, можа, у беларусаў быў бы шанец97
Каментары