Экс-кандыдат у прэзідэнты Беларусі на выбарах 2010 г., палітвязень Мікалай Статкевіч адмовіўся надалей звяртацца па медыцынскую дапамогу ў турме.
Палітвязень заявіў, што яго звароты па дапамогу выкарыстоўваюцца адміністрацыяй папраўчых устаноў як сігнал для арганізацыі супрацьпраўнага ціску шляхам незаконнага стварэння ўмоў для абвастрэння захворванняў, пра якія стала вядома.
У такой сітуацыі зварот па медыцынскую дапамогу дае адваротны эфект і робіцца небяспечным, што змушае яго хаваць інфармацыю аб праблемах са здароўем, паведамляе сайт statkevich.org.
Мікалай Статкевіч — адзіны кандыдат у прэзідэнты на выбарах 2010 года, да гэтага часу знаходзіцца ў зняволенні.
Як і іншыя апазіцыйныя кандыдаты ў прэзідэнты, ён быў арыштаваны вечарам 19 снежня 2010 г.
У маі 2011 года суд Ленінскага раёна Мінска прысудзіў Стакевіча да шасці гадоў пазбаўлення волі па абвінавачванні ў арганізацыі масавых беспарадкаў 19 снежня.
Палітык адбываў пакаранне ў шклоўскай калоніі №17, аднак у студзені 2012 года яму зрабілі больш жорсткімі ўмовы адбыцця пакарання, перавёўшы ў магілёўскую турму №4 (212011, г. Магілёў, вул. Крупскай, 99а, турма № 4, Статкевічу Мікалаю Віктаравічу)
Каментары