Цягнік Брэст — Магілёў з-за хлуслівага паведамлення аб мініраванні спазніўся больш чым на 2 гадзіны, паведаміў дзяжурны МНС Беларусі.
«Вечарам 20 кастрычніка на мабільны тэлефон дзяўчыне, якая ехала па маршруце Брэст — Магілёў, патэлефанаваў знаёмы і сказаў аб мініраванні. Напалоханая дзяўчына тут жа звярнулася да правадніка, затым інфармацыя была перададзена ў праваахоўныя органы, каб тыя пераправерылі яе і пры неабходнасці зрабілі адпаведныя захады», — адзначыў дзяжурны МНС.
Дзякуючы аператыўным дзеянням супрацоўнікаў міліцыі «жартаўнік» быў знойдзены і затрыманы.
Паведамленне было хлуслівым. З-за гэтага здарэння цягнік прыбыў на канчатковую станцыю са спазненнем на 2 гадзіны 17 хвілін.
Каментары