30 кастрычніка ў Дзяржаўным Крамлёўскім палацы ў Маскве прайшла 17-я цырымонія ўручэння «Срэбранага галёша».
Гэтая прэмія «за самыя сумнеўныя дасягненні» ладзіцца радыёстанцыяй «Срэбраны дождж».
Сёлета прэмія ўручалася ў сямі намінацыях.
Як піша utro.ru, Барак Абама стаў уладальнікам статуэткі ў намінацыі «Плагіят года, ці Блізнюк падкралася непрыкметна». На думку журы «Галёша», Абама, нібыта, скапіяваў перадвыбарную кампанію Уладзіміра Пуціна.
З прэзідэнтам ЗША сапернічалі алімпійская паходня і Аляксандр Лукашэнка. Форму паходні палічылі падобнай на лагатып адной з марак рускай гарэлкі.
А беларускага кіраўніка абвінавацілі ў перайманні таго ж Пуціна.
Пасля таго як расійскі прэзідэнт злавіў вялікага шчупака, беларускі лідар заявіў, што вылавіў 57-кілаграмовага сома.
Дарэчы, «гастарбайтарам года» быў прызнаны Жэрар Дэпард'ё, які атрымаў расійскі пашпарт.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары