У вёсцы Пыхань Веткаўскага раёна са жніўня па лістапад 2013 года зафіксавана дзесяць падпалаў маёмасці. У асноўным гараць стагі сена і саломы, падпалы ўчыняюць невядомыя позна вечарам.
Як паведамілі ў Веткаўскім РАУС, міліцыя шукае асоб, якія маюць дачыненне да падпалаў, пакуль крымінальныя справы не распачыналіся.
Усе падпалы былі ўчынены на вуліцы Кастрычніцкай.
Першыя падпалы былі зафіксаваны ў жніўні, тады ў адну ноч здарыліся адразу тры пажары. У верасні каля аднаго з дамоў загарэлася сенасховішча.
У адной з жыхарак вёскі сена палілі ўжо тры разы, у яе аднавяскоўца пажар быў двойчы.
У лістападзе блізу аднаго з дамоў загарэўся рулон саломы, агонь перакінуўся на гаспадарчую пабудову.
Міліцыя абяцае ўзмацніць кантроль і робіць захады для вышуку зламысніка.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары