Грамадства

Суд над Васілём Парфянковым перанесены на 5 снежня

Разгляд справы былога палітзняволенага Васіля Парфянкова, якога абвінавачваюць на падставе арт. 421 Крымінальнага кодэкса Беларусі (невыкананне патрабаванняў прэвентыўнага нагляду), працягнецца 5 снежня ў судзе Першамайскага раёна Мінска.

Суддзя Леанід Ярмоленкаў 28 лістапада быў вымушаны перанесці пасяджэнне, таму што Парфянкову ва ўстаноўленым парадку не была ўручана пастанова аб прызначэнні на сёння судовага пасяджэння. Адпаведны дакумент былы палітзняволены павінен быць атрымаць за пяць дзён да суда, аднак яму паведамілі пра дату пасяджэння толькі ўчора.

Як заявіў журналістам перад працэсам Парфянкоў, якога прывезлі ў суд пад канвоем, бо ён знаходзіцца ў лячэбна-працоўным прафілакторыі (ЛПП) № 1 у Светлагорску (Гомельская вобласць), ён гатовы да таго, што згодна з рашэннем суда можа зноў апынуцца ў турме.

Васіль Парфянкоў і яшчэ адзін былы палітзняволены, Уладзімір Яроменак, былі асуджаны 16 верасня на пяць сутак арышту за парушэнне правілаў прэвентыўнага нагляду (арт. 24.12 Кодэкса аб адміністрацыйных правапарушэннях) і змешчаны ў ЦІП. Абодва павінны былі вызваліцца 21 верасня, аднак з ЦІП выйшаў толькі Яроменак — Парфянкова змясцілі на год у ЛПП.

У 2011 годзе Парфянкоў быў асуджаны ў межах крымінальнай справы аб масавых беспарадках у Мінску 19 снежня 2010 года. Яго прыгаварылі да чатырох гадоў пазбаўлення волі ў калоніі строгага рэжыму, але ў жніўні таго ж года асуджаны выйшаў на волю на падставе ўказа прэзідэнта аб памілаванні.

Цяперашні пераслед былога палітзняволенага праваабаронцы разглядаюць як помсту ўладаў і спробу націску на грамадскіх актывістаў.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?2

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?

Усе навіны →
Усе навіны

МЗС Літвы накіравала Беларусі ноту пратэсту з-за расійскага дрона

«Гэта хлеб ці клей?»: жыхарка Баранавічаў абурылася якасцю прадукцыі хлебазавода9

Трыбуна стадыёна будучага суперніка мінскага «Дынама» ў еўракубках названа ў гонар футбаліста, які памёр падчас матча

Адказнасць за забойства палкоўніка СБУ Вароніча ў Кіеве ўзяла на сябе неанацысцкая групоўка «База»3

«Я не бачыў нічога такога»: як лялькі Labubu прынеслі шалёны прыбытак3

Мінскае «Дынама» вылецела з кваліфікацыі Лігі чэмпіёнаў у першым раўндзе2

Беларускія мытнікі адказалі на скаргі адносна доўгага афармлення на мяжы2

Сірыйскія ўлады і друзы дамовіліся пра спыненне агню6

У цэнтры Мінска проці начы выстраілася вялізная чарга людзей, некаторыя ў піжамах ВІДЭА4

больш чытаных навін
больш лайканых навін

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?2

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?

Галоўнае
Усе навіны →

Заўвага:

 

 

 

 

Закрыць Паведаміць