Кіраўнік БАТЭ Анатоль Капскі: Калі на здымку пра Майдан былі фанаты, хай адкрыюць свае твары
«Кажуць, вы не прызнаяце фанатаў БАТЭ ў людзях са знакамітай ужо фатаграфіі ў падтрымку Майдана», -
запытаўся карэспандэнт by.tribuna.com Мікіта Мелказёраў у кіраўніка БАТЭ Анатоля Капскага.
«Ну, калі яны фанаты, хай адкрыюць свае твары. Я бачыў той здымак. Пазнаў не ўсіх. Але, наколькі магчыма, зразумеў, што некаторыя мне сустракаліся. Гэта людзі, з якімі ў свой час у клуба былі канфлікты з нагоды розных дыскрымінацыйных і расавых момантаў. Гэта людзі, якія ў свой час былі асуджаныя па пазове ФК БАТЭ.
За румынскія фаеры і мноства іншых правакацый. Праўда, у выніку мы ім даравалі. Але гэтыя людзі дэманстратыўна перасталі пазіцыянаваць сябе на стадыёне як фанаты.
Іх больш няма на сектары, яны не займаюцца актыўнай падтрымкай каманды.
Наогул, для мяне незразумелая і непрыемная сітуацыя, якая склалася. Так, у кожнага чалавека можа быць уласны погляд на палітыку, уласныя партыйныя прыхільнасці. Але калі вы такія разумныя, калі ў вас ёсць меркаванне, навошта хаваць твары? Ну, выйдзіце на цэнтральную плошчу Барысава… А так гэта ўсё падобнае да таннага піяру — ухапіліся за слова «БАТЭ» і носяцца з ім па ўсіх інфармацыйных сайтах.
І наогул, маё меркаванне такое: ва Украіне паміж сабой ваююць алігархі і мільярдэры. А людзі, занятыя ў гэтых працэсах, — гарматнае мяса. Ліберальныя ідэі — толькі прыкрыццё. І для мяне непрымальнае выкарыстанне для прасоўвання ліберальных ідэй адкрытых радыкалаў і нацыяналістаў, якім нічога не каштуе зняважыць або забіць чалавека.
Упэўнены, многія людзі з той фатаграфіі, якія называюць сябе фанатамі БАТЭ, самі не ведаюць, чаго хацелі дамагчыся. Сярод іх ёсць моладзь. Яна пакуль яшчэ не дайшла розумам да сутнасці падзей, якія адбываюцца ва Украіне. А ёсць людзі, якія спрабуюць кіраваць моладдзю, як марыянеткамі.
Я, напрыклад, пазнаў на гэтай фатаграфіі Марозава па мянушцы «Фіціль». Мне здаецца, яго адвакаты з ліку прадстаўнікоў журналістыкі і мастацтва пры асабістых зносінах моцна б расчараваліся», - адказаў ён.
* * *
Фанаты БАТЭ падтрымалі Майдан ФОТА
23 фанаты БАТЭ арыштаваны за акцыю салідарнасці з Украінай
Дзеячы культуры выказалі падтрымку арыштаваным фанатам БАТЭ ФОТА
-
Нарвегія адмовілася прымаць міжнародныя турніры па водных відах спорту, пратэстуючы супраць беларусаў і расіян са сцягамі
-
Трэнера зборнай Беларусі могуць прызнаць найлепшым у свеце
-
На чэмпіянаце Еўропы беларускі барэц даў поўху тытулаванаму турку за яго нахабства. Гэта ледзь не каштавала нашаму медаля
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары