Для дэнамінацыі ў Беларусі ўсё гатова, у тым ліку аддрукаваныя новыя грашовыя знакі, але неабходна вычакаць зручны час.
Аб гэтым Аляксандр Лукашэнка заявіў сёння, размаўляючы ў Баранавічах з прадстаўнікамі працоўнага калектыву ААТ «558 Авіяцыйны рамонтны завод».
«Прыйдзе час, мы гэта зробім. Я ўжо вам шчыра казаў, што гэтая валюта (новыя грашовыя знакі) у нас надрукаваная адносна даўно — прыгожая, на еўра падобная», — сказаў ён.
«Але для гэтага (дэнамінацыі) патрэбен момант, час, каб эканоміка пачала працаваць, каб была пэўная стабільнасць», — адзначыў беларускі лідар.
Аляксандр Лукашэнка падкрэсліў, што правядзенне дэнамінацыі — гэта чыста тэхнічнае пытанне. «Але ў нас жа народ які? А, мяняюць: пабег, трэба скупіць, памяняць на даляры, еўра і г.д.», — заўважыў кіраўнік дзяржавы.
Лукашэнка таксама заклікаў не бегаць па абменніках, а траціць нацыянальную валюту на набыццё неабходных пакупак. «Пажадана, каб у абменнікі вы не хадзілі, а хадзілі ў крамы і куплялі для сябе ўсё, што неабходна», — сказаў ён.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары