Каго з актывістаў пасадзяць наступным? З’явіўся палітычны таталізатар.
Перад пачаткам чэмпіянату свету па хакеі ў інтэрнэце запрацаваў сайт totalitizator.com, дзе можна зрабіць стаўку, каго з грамадскіх актывістаў наступным пасадзяць на суткі.
На сайце нельга зарабіць грошы. Зроблены ён з мэтай прыцягнення ўвагі да пытанняў правоў чалавека ў Беларусі.
Першы крок выбраць кагосьці з актывістаў, напрыклад, Паўла Вінаградава ці Міколу Дземідзенку. Можна прачытаць каротку біяграфію. А пасля абраць дату затрымання, тэрмін зняволення і артыкул па якім будзе сядзець малады чалавек. Вядзецца таксама дзённік таталізатара: спіс асоб, якія ўжо атрымалі тэрміны зняволення.
Аўтар ідэі — рэкламны кансультант Юлія Ляшкевіч. Дызайн сайта распрацаваў Стась Карпаў. «Многія мае сябры не верылі, што перад чэмпіянат свету будуць прэвентыўныя арышты.
А людзей саджаюць на суткі адзін за адным. І ніякага інтарэсу гэта не выклікае, бо Украіна адцягнула ўсю ўвагу. Ніхто нават не робіць перапостаў у фэйсбуку. Мяне пытаюцца, ці не лічу я гэтую ідэю цынічнай. Не, яна менш куды менш цынічная за дзеянні ўладаў, што арыштоўваюць людзей. Форма таталізатара перад чэмпіянатам свету абраная невыпадкова, бо спорт і букмекерскія стаўкі заўсёды ідуць побач. Гэта важна для арыштаваных людзей, паказаць, што пра іх памятаюць», — кажа Юлія Ляшкевіч.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары