У памяшканні Луганскай аблдзяржадміністрацыі, захопленым тэрарыстамі, прагучаў выбух.
Мяркуючы па відэазапісе з цэнтра Луганска, ракета прыляцела знізу, а не зверху:
Розныя СМІ па-рознаму тлумачаць яго прычыны.
«Украінская праўда» са спасылкай на Радыё Свабода піша:
У сцяне памяшкання на трэцім паверсе ўтварылася дзірка, з якой ідзе дым. Ёсць параненыя. На месца падзеі прыбылі пажарнікі і хуткая дапамога. Будынак акружылі баевікі «ЛНР», якія выганяюць з ачаплення тэрыторыі ўсіх прысутных, матывуючы гэта тым, што там могуць быць снарады, якія не разарваліся.
Некаторыя з відавочцаў, прысутных на месцы падзеі, заявілі карэспандэнту Радыё Свабода, што нібыта незадоўга да выбуху бачылі, як над горадам кружыў штурмавік Су-25. Гэтая інфармацыя непацверджаная.
Сепаратысты сцвярджаюць, што гэта самалёт адкрыў агонь па будынку.
Мясцовыя жыхары заяўляюць, што ў будынак трапіў снарад, які тэрарысты выпусцілі з гранатамёта ў самалёт.
У сваю чаргу, РІА Навіны паведамляюць, што «выбух адбыўся ў выніку авіяналёту, здзейсненага украінскімі ВВС. Загінулі па меншай меры пяць чалавек. У будынку шмат параненых, іх выносяць вонкі. Да адміністрацыі прыбылі шэсць машын «хуткай дапамогі». Акрамя таго, пасля авіяналёту ў будынку пачаўся моцны пажар».
Між тым, у сацсетках пішуць, што выбух у выніку авіяўдару выключаны, бо нават на фота добра бачна, што снарад ляцеў знізу, а не зверху.
Прэс-афіцэр АТА заяўляе аб тым, што Луганскую адміністрацыю ўзарвалі знутры.
Луганская міліцыя, у сваю чаргу, прытрымліваецца версіі, што выбух выклікала ракета, выпушчаная з будынка УСБУ. Па словах праваахоўцаў, стрэл з зенітнага комплексу быў зроблены з будынка УСБУ па самалёце, аднак ракета трапіла ў будынак адміністрацыі.
Каментары