Прэзідэнт Украіны Пётр Парашэнка даручыў сілавікам стварыць «калідор» для эвакуацыі мірных жыхароў з зоны антытэрарыстычнай аперацыі.
Пра гэта паведамляе прэс-служба кіраўніка дзяржавы.
«Прэзідэнт Украіны Пётр Парашэнка сустрэўся з кіраўнікамі Службы бяспекі Украіны, Міністэрства ўнутраных спраў, Міністэрства абароны і Дзяржаўнай службы надзвычайных сітуацый. Для недапушчэння новых ахвяр у раёне правядзення антытэрарыстычнай аперацыі прэзідэнт Украіны даручыў кіраўнікам сілавых ведамстваў стварыць усе неабходныя ўмовы для мірнага насельніцтва, якое жадае з'ехаць», — гаворыцца ў паведамленні.
Парашэнка таксама даручыў Кабінету міністраў прыняць на сябе арганізацыю перавозкі людзей, а таксама стварыць сетку мабільных пунктаў для забеспячэння мірнага насельніцтва пітной вадой, харчаваннем і медыкаментамі.
«Мясцовыя дзяржаўныя адміністрацыі пры ўдзеле органаў мясцовага самакіравання павінны разам з Кабінетам міністраў размясціць насельніцтва, што прыбывае з раёна антытэрарыстычнай аперацыі», — падкрэслілі ў прэс-службе.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс9
Каментары