З-за «неадпаведнасці ўнутраным правілам праекта».
У 12 моўных раздзелах Вікіпедыі апублікаваныя артыкулы пра песню «Пуцін - х*йло». Па стане на 16:20 аўторка такія артыкулы даступныя на англійскай, беларускай (у абодвух стандартах - афіцыйным і класічным), балгарскай, в'етнамскай, літоўскай, сербскай, турэцкай, украінскай, французскай, чэшскай і эстонскай мовах. У артыкуле на турэцкай мове «Пуцін - х*йло» названа «украінскай народнай песняй».
Раней у аўторак артыкул прысутнічаў і ў расейскім раздзеле энцыклапедыі, аднак неўзабаве яго выдалілі. Як растлумачыў Ленте.Ру выканаўчы дырэктар рускай Вікіпедыі Станіслаў Казлоўскі, прычынай выдалення стала тое, што расейскамоўны артыкул уяўляў сабой не энцыклапедычны тэкст, а «выказванні ананімных удзельнікаў аб Украіне».
Між тым англамоўны артыкул Казлоўскі назваў адпаведным правілам Вікіпедыі, бо ў ім прысутнічаюць спасылкі на аўтарытэтныя крыніцы, у прыватнасці на газету The Guardian. Наяўнасць жа ў тэксце ненарматыўнай лексікі не з'яўляецца падставай для выдалення артыкула, заўважыў выканаўчы дырэктар.
«У Вікіпедыі няма цэнзуры, - падкрэсліў Казлоўскі. - Артыкулы выдаляюцца не з-за цэнзурных меркаванняў, а з-за неадпаведнасці якім-небудзь унутраным правілам праекта».
Цяпер чытаюць
Паступова выйшлі на волю арыштаваныя па «Справе кнігароў». Акрамя аднаго4
Каментары