Амбасадарцы ЗША ў Беларусі Карэн Сцюарт уручана нота пратэсту ў сувязі з санкцыямі, уведзенымі Мінфінам ЗША ў дачыненьні да канцэрну «Белнафтахім».
Паслу ЗША ў Беларусі Карэн Сцюарт уручана нота пратэсту ў сувязі з санкцыямі, уведзенымі Мінфінам ЗША ў дачыненні да канцэрна «Белнафтахім». Пра гэта 15 лістапада паведаміў журналістам прэс‑сакратар беларускага МЗС Андрэй Папоў.
Паводле яго слоў, ноту перадаў 15 лістапада намеснік міністра замежных спраў Беларусі Віктар Гайсёнак. У дакуменце зазначана, што згаданае рашэнне ЗША парушае двухбаковыя дамоўленасці, а таксама нормы міжнароднага права. Беларускі бок патрабуе ад ЗША вярнуць арыштаваныя актывы іх уладальніку — «Белнафтахіму» — і зняць усе абмежаванні, а таксама здымае з сябе адказнасць за наступствы, якія можа пацягнуць гэтае рашэнне ЗША ў стасунках паміж суб’ектамі гаспадарання дзвюх краін.
Нагадаем, 13 лістапада Міністэрства фінансаў ЗША замарозіла ўсе банкаўскія рахункі «Белнафтахіма», што знаходзяцца пад юрысдыкцыяй ЗША і яго прадстаўніцтваў у Германіі, Латвіі, Украіне, Расіі і Кітаі, а таксама рахункі даччынай амерыканскай кампаніі «Белнафтахім Ю‑Эс‑Эй». Апрача таго, амерыканскім бізнесменам прадпісана ўстрымацца ад кантактаў з гэтым канцэрнам.
«Мы ўзмацняем санкцыі ў дачыненні да Лукашэнкі і яго найбліжэйшых памочнікаў, уводзячы абмежаванні супраць найбуйнейшага канцэрна, што знаходзіцца пад кантролем яго рэжыму», — заявіў начальнік аддзела кантролю замежных актываў Мінфіна ЗША Адам Шубін.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна8
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
Каментары