Лукашэнка патрабуе канфіскаваць аўтамабілі ў тых, хто забруджвае прыроду
Аляксандр Лукашэнка запатрабаваў удзяляць больш пільную ўвагу пытанням навядзення парадку на зямлі, не толькі ў гарадах і ўздоўж асноўных транспартных магістралей, але і ў самых аддаленых кутках Беларусі.
Аб гэтым ён заявіў сёння ў час рабочай паездкі ў Мінскі раён, дзе азнаёміўся з ходам уборачнай кампаніі.
Аляксандр Лукашэнка падкрэсліў, што бачыць сітуацыю не толькі з акна аўтамабіля ўздоўж асноўных трас, але таксама часта бывае ў розных рэгіёнах, у тым ліку ў найбольш аддаленых месцах. Ён прывёў прыклад адной з такіх нядаўніх прыватных паездак недалёка ад стыку Магілёўскай і Віцебскай абласцей.
«Заехаў у самае глухое месца - агіднае стаўленне да некаторых палёў. Думаюць, што гэта далёка, што ніхто не ўбачыць. Наплявацельскае стаўленне. Гэта ў Косінца было», — расказаў беларускі лідар.
У той жа час Лукашэнка звярнуў увагу, што і самі грамадзяне, асабліва ў прыватным сектары і ў вёсцы, павінны прымаць актыўны ўдзел у справе па падтрыманні парадку, і даручыў кіраўніцтву мясцовай вертыкалі ўлады выбудаваць адпаведную работу з насельніцтвам.
Асабліва строгія меры, аж да канфіскацыі транспартнага сродку, кіраўнік дзяржавы даручыў прымяняць да тых, хто забруджвае навакольнае асяроддзе, звальваючы рознае смецце ў неўстаноўленых для гэтага месцах.
Цяпер чытаюць
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3737
Каментары