Дэпард'ё прызнаўся ў крадзяжах і гомасэксуальнай прастытуцыі
Жэрар Дэпард'ё, французскі акцёр, які прыняў грамадзянства Расіі, каб не плаціць падаткаў, апублікаваў кнігу сваіх шчырых мемуараў пад назвай «Ca c'est fait comme ca». Яе назву можна перакласці як «Вось так яно».
Цяжкае, часам агіднае жыццё паўстае са старонак мемуараў.
«Я жыў у вельмі беднай сям'і, настолькі беднай, што мае бацькі не маглі наняць акушэрку, і я прымаў роды ў сваёй маці»…
«У 15 гадоў я зразумеў, што прыгожы і прывабны для пажылых мужчын, яны прапаноўвалі мне сэкс, я браў з іх за гэта грошы, так я стаў хлопчыкам па выкліку, пакуль не ажаніўся».
Дэпард'ё прызнаецца таксама, што абкрадваў спячых французскіх студэнтаў падчас дэманстрацый 1968 года, як сядзеў у турме за крадзеж машыны.
Нарэшце, як ягоны сын памёр ад алкагалізму.
Дэпард'ё і сам п'е. «Пачынаю з віна, а ўвечары пераходжу на віскі». А таксама піша пісьмы Пуціну: «Вечарам я часта пішу Пуціну лісты. Гэта вельмі проста. Я нагаворваю гэтыя тэксты. У мяне ёсць памочнік, ён набірае іх па-французску, потым перакладае на расейскую — і яны трапляюць на стол Пуціну. Я ведаю, яму падабаецца, што я пішу, ён мне адказвае», — піша Дэпард'ё.
Жэрар Дэпард'ё атрымаў расійскі пашпарт у 2013 годзе, а таксама прапіску ў Мардовіі і пяціпакаёвую кватэру ў Грозным ад Рамзана Кадырава.
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары