6 кастрычніка ў Маскве адкрылася выстава «12 подзвігаў Пуціна», прысвечаная дню нараджэння прэзідэнта Уладзіміра Пуціна.
«Дзіўным чынам, падзеі старажытных паданняў пра міфічнага героя Геракла можна перавесці і ў нашы дні, калі трохгаловы сабака Цэрбер нагадвае ЗША, знішчэнне сцімфалійскіх птушак — прыпыненне авіябамбардзіроўкі ў Сірыі, а ачыстка Аўгіевых стайняў — гэта барацьба з карупцыяй», — паведамляецца на старонцы суполкі арганізатараў у Фэйсбуку.
Кожнаму подзвігу старажытнагрэцкага героя адпавядаюць дзеянні Пуціна, заяўляюць арганізатары выставы.
Подзвіг 1. «Удушэнне Нямейскага льва» — барацьба з тэрарызмам.
Подзвіг 2. «Забойства Лернейскай гідры» — адказ на санкцыі.
Подзвіг 3. «Вынішчэнне Сцімфалійскіх птушак» — прыпыненне авіябамбардзіроўкі ў Сірыі.
Подзвіг 4. «Лоўля Керынейскай лані» — Алімпіяда ў Сочы.
Подзвіг 5. «Утаймаванне Эрыманфскага вепрука і бітва з кентаўрамі» — ліквідацыя алігархіі.
Подзвіг 6. «Ачыстка Аўгіевых стайняў» — барацьба з карупцыяй.
Подзвіг 7. «Утаймаванне Крыцкага быка» — Крым.
Подзвіг 8. «Выкраданне коней Дыямеда, перамога над царом Дыямедам» — кантракт на «Містралі».
Подзвіг 9. «Выкраданне пояса Іпаліты, царыцы амазонак» — будаўніцтва газаправода «Паўднёвы паток».
Подзвіг 10. «Выкраданне кароў трохгаловага волата Герыёна» — кантракт на газ з Кітаем.
Подзвіг 11. «Выкраданне залатых яблыкаў з саду Гесперыд» — падтрымка «мінскага перамір'я» ва Украіне.
Подзвіг 12. «Утаймаванне вартаўніка Аіда — пса Цэрбера» — барацьба з ЗША.
Каментары