21 верасня на старажытным свяцілішчы радзімічаў у вёсцы Хальч Веткаўскага раёна адбылося вяселле па паганскім абрадзе.
Незадоўга да афіцыйнай цырымоніі ў ЗАГСе Аляксандр і Марына вырашылі правесці вяселле на месцы, якое было культавым для жыхароў Гомельшчыны дахрысціянскай эпохі.
Як распавёў Дзмітрый Кірэенка, які выконваў «жрэцкую» частку дзейства, У розных рэгіёнах Беларусі, нягледзячы на знешнія адрозненні, вясельныя абрады маюць пад сабой аднолькавую аснову. «Мы не рэканструявалі абрад. Мы выдзелілі з яго самае асноўнае і зрабілі актуальным гэта для сённяшніх часоў. Гэта не прайграванне абраду, а яго сучасная інтэрпрэтацыя і перажыванне», — дадаў ён.
Аляксандр Кавалькоў распавёў, чаму яны з жонкай выбралі менавіта такі спосаб асвяціць свой шлюб: «Мы, як толькі пачалі сустракацца з Марынай, ужо думалі, што правядзем вяселле «па-тутэйшаму». Гэта было не проста рашэннем, а нашым унутраным вопытам і адчуваннем».
Больш інфармацыі і фота тут.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары