Спецслужбы Польшчы могуць выслаць з краіны не толькі расійскіх дыпламатаў, але і расійскіх грамадзян, якія пражываюць у Польшчы, у тым ліку расійскіх журналістаў у сувязі з чарговым шпіёнскім скандалам,
піша ў пятніцу вядучая польская агульнанацыянальная газета «Rzeczpospolita».
У мінулую сераду вядучы польскі тэлеканал TVN24 паведаміў пра затрыманне афіцэра Войска Польскага па абвінавачванні ў шпіянажы на карысць РФ. Паводле інфармацыі Radio ZET, адначасова з затрыманнем афіцэра Войска Польскага затрыманы яшчэ адзин чалавек — адвакат, які мае падвойнае грамадзянства Расіі і Польшчы.
Тэлеканал ТVN24 паведаміў таксама, што гаворка ідзе пра высокапастаўленага, а не пра радавога афіцэра, які валодае вялікай інфармацыяй.
Віцэ-прэм'ер Польшчы Януш Пехацінскі ў пятніцу ў эфіры тэлеканала TVN24 сказаў, што «калі гэтая інфармацыя будзе пацверджана — гаворка ідзе аб шпіянажы, то натуральным ходам далей будзе высылка з Польшчы расійскіх дыпламатаў. Мабыць, у адказ некалькі нашых дыпламатаў вернуцца дадому».
Газета «Rzeczpospolita» ў сваю чаргу сцвярджае, што выслаць з краіны могуць не толькі расійскіх дыпламатаў, але і грамадзян РФ, якія пражываюць і працуюць у Польшчы, а таксама расійскіх журналістаў.
«Па нашай інфармацыі, у бліжэйшыя тыдні польскія спецслужбы будуць намагацца пазбавіць віду на жыхарства і выслаць некалькіх расейцаў, якія пражываюць у Польшчы», — піша газета.
Як сцвярджае «Rzeczpospolita», грамадзяне РФ «падазраюцца ў супрацоўніцтве з расійскай выведкай». «Гаворка ідзе, у тым ліку, пра аднага з расейскіх журналістаў», — адзначае выданне.
Цяпер чытаюць
Марата Маркава перасунулі з пасады міністра інфармацыі ў міністры культуры10
Каментары