Магілёў — горад красовак, а Брэст — сталіца «леапарда». «Мегатоп» склаў абутковую карту Беларусі
Брэнд Megatop склаў карту абутковых пераваг беларусак на аснове вяснавога попыту. Аказалася, што густы ў розных рэгіёнах усё ж такі розныя, піша тэлеграм-канал «МогилевОнлайн».
У кампаніі адзначылі, што сучасныя дзяўчаты выбіраюць перш за ўсё камфорт. Ніякіх шпілек — галоўным трэндам сезона стала функцыянальная «басаногая» эстэтыка з шырокім носам і мяккай падэшвай. Попыт на такі абутак вырас на 65% у параўнанні з мінулым годам.
Абсалютным трэндам сталі балеткі і снікерыны (красоўкі і балеткі ў адным). Яны лідзіруюць у большасці гарадоў Беларусі. Пры гэтым у кожнай вобласці свой стыль.
Магіляўчанкі верныя класіцы і часцей за ўсё купляюць традыцыйныя красоўкі. У іх таксама папулярныя туфлі з адкрытай пяткай.
Мінчанкі ходзяць у басаножках. Гомельскія паненкі фарсяць у лоферах і слінгбэках — тут шмат знаўцаў натуральнай замшы, таму горад пацвярджае статус цэнтра «ціхай раскошы».
Але ўсё ж галоўны заканадаўца мод гэтага сезона, па версіі Megatop — Брэст. Тутэйшыя дзяўчаты любяць анімалістычныя «леапардавыя» прынты і акцэнтныя панталеты на платформе.
Свой густ і ў віцяблянак. Там устойлівы попыт на ўтылітарныя мадэлі — красоўкі і паўкеды. Гродзенкі, як і мінчанкі, аддаюць перавагу басаножкам і абутку на пляскатай падэшве.
Цяпер чытаюць
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай4
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары