У Баранавічах махляры пад выглядам журналістаў абакралі пенсіянерку
Аферысты прадставіліся 88-гадовай жанчыне карэспандэнтамі мясцовай газеты.
Як паведамілі «ІР» у Баранавіцкім ГАУС, 22 кастрычніка дзве жанчыны шляхам падману трапілі ў кватэру да састарэлай бабулі і ўкралі ў яе 15 мільёнаў рублёў.
– Злачынцы спачатку спрабавалі датэлефанавацца да пенсіянеркі праз дамафон, аднак тая не здымала трубку. Тады аферысткі набралі нумар кватэры суседзяў, і яны без пытанняў адкрылі дзверы ў пад'езд, – расказала прэс-афіцэр Баранавіцкага ГАУС Вольга Сакута.
Потым махляркі падняліся ў патрэбную кватэру, прадставіліся сталай жанчыне супрацоўнікамі мясцовай газеты і расказалі аб «неўзабаве маючай адбыцца дэнамінацыі».
— «Журналісткі» прапанавалі старой жанчыне абмяняць грошы, якія збірала на сваё пахаванне, на новыя купюры – бабуля пагадзілася. І пакуль госці нібы перапісвалі нумары старых банкнотаў, пенсіянерка пайшла зрабіць ім гарбаты. Аднак вярнуўшыся, ужо не ўбачыла ні грошай, ні «карэспандэнтаў», – падагульніла Вольга Сакута.
У міліцыі нагадваюць, што не варта адмыкаць дзверы незнаёмым людзям, каб не стаць ахвяраю злачынства.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары