У цэнтры Харкава адбыўся магутны выбух ля электрападстанцыі, якая забяспечвае святлом ваенны шпіталь.
У цэнтры Харкава каля электрападстанцыі, якая сілкуе вайсковы шпіталь, адбыўся моцны выбух. У выніку выбуху пацярпелых няма, падстанцыя не пашкоджаная, паведаміў прадстаўнік міліцыі Харкава.
Пракуратура папярэдне кваліфікавала крымінальную вытворчасць па артыкуле аб наўмысным пашкоджанні маёмасці шляхам выбуху.
Выбух у цэнтры горада на вуліцы Трынклера адбыўся прыкладна ў 18 гадзін.
Выбухная хваля пашкодзіла чатырохпавярховы жылы дом насупраць — у ім выбітыя шыбы.
У міліцыі мяркуюць, што гэта наўмысны выбух. Расследаванне кантралюе пракуратура Харкаўскай вобласці.
Вайсковы шпіталь у Харкаве — адна з медыцынскіх устаноў, якая прымае параненых вайскоўцаў у зоне АТА.
9 лістапада ў Харкаве адбыўся выбух ў рок-пабе «Сцяна», тады пацярпелі 11 чалавек. Пракуратура адкрыла крымінальную вытворчасць па артыкуле пра тэракт.
Праз тыдзень СБУ заявіла, што затрымала падазраваных.
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары