З 1 студзеня ў Літве ўведзена агульная валюта Еўрапейскага саюза — еўра. Літва стала 19-м членам зоны еўра.
Прэзідэнт краіны Даля Грыбаўскайце ў навагоднім віншаванні назвала ўвядзенне еўра «магчымасцю расці і быць сучаснай еўрапейскай дзяржавай, ставіць перад сабой новыя мэты і смела глядзець у будучыню».
Неўзабаве пасля апоўначы першыя банкноты еўра з банкамата ў цэнтры Вільні дастаў прэм'ер Альгірдас Буткявічус.
«Еўра будзе гарантам нашай эканамічнай і палітычнай бяспекі, дазволіць больш інтэнсіўна развіваць эканоміку, спрыяючы стварэнню новых працоўных месцаў і павелічэнню даходаў насельніцтва», - віншуючы жыхароў Літвы, сказаў прэм'ер.
«Сімвал літа Пагоня становіцца адным з знакаў сям'і еўра. Рыцар у даспехах з мечам і шчытом будзе адчаканены на манетах еўра», - дадаў ён.
У мерапрыемстве таксама прынялі ўдзел эстонскі прэм'ер Тааві Рыйвас, кіраўнік МЗС Латвіі Эдгар Рынкевіч, еўракамісар Віцяніс Андрукайціс, міністр фінансаў Рымантас Шаджус і кіраўнік праўлення Цэнтрабанка Літвы Вітас Васіляўскас. Яны таксама знялі па 10 еўра.
У літоўскіх кафэ, рэстаранах і барах ноччу прадстаўлены спецыяльны безалкагольны кактэйль-еўра.
Літ быў «прывязаны» да еўра з 2002 года, таму Літва залежала ад палітыкі Еўрапейскага Цэнтрабанка, аднак не мела права голасу.
Ад 1 студзеня 2015 года літы ў Літве будуць абменьваць на еўра бясплатна:
• 6 месяцаў гэта можна будзе зрабіць ва ўсіх банкаўскіх аддзяленнях (манеты і банкноты);
• праз 6 месяцаў пасля ўвядзення еўра гэта можна будзе зрабіць у тых аддзяленнях банкаў, якія вызначыць Цэнтрабанк Літвы — прымаць будуць банкноты;
• на працягу 60 дзён з моманту ўвядзення еўра можна будзе абмяняць літы на еўра ў аддзяленнях Літоўскай пошты (манеты і банкноты);
• неабмежаваны час — у Цэнтрабанку Літвы.
Апытанка
-
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі
-
Кіраўнікі Шатландыі, Уэльса і Паўночнай Ірландыі аб'ядноўваюцца для выхаду са складу Вялікабрытаніі
-
У Вільні падымалі знішчальнікі НАТА — праз верагодны залёт дрона. Пазней высветлілася, што гэта было
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс15
Віктар Лукашэнка засвяціў на пасяджэнні НАК свой гадзіннік — цяжкі люкс
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю77
Каментары