У рэдакцыю газеты «Камп’ютарныя весці» трапіў праект Дэкрэта прэзідэнта пра Парк высокіх тэхналогій.
Фота дакументу, што прадставіла рэдакцыя kv.by, не утрымлівае дат і подпісаў, а таксама нумар Дэкрэта. Рэдакцыя кажа аб подпісе на дакуменце міністра фінансаў Амарына.
Згодна з праектам Дэкрэта, адпрыбытковы падатак для супрацоўнікаў ПВТ павялічыцца з 9% да 10% (супраць 12% па краіне), а плацяжы кампаній-рэзідэнтаў ПВТ у Фонд сацыяльнай абароны насельніцтва павялічацца ў тры разы.
Менавіта падатковыя льготы прывялі да 30-кратнага росту ПВТ за апошнія 10 год, сцвярджае рэдакцыя. Разам з ростам ПВТ выраслі валютныя паступленні, у тым ліку ад дзейнасці беларускіх ІТ-гігантаў EPAM, Wargaming і Viber.
Па падліках kv.by, па выніках змен, апісаных у праекце, бюджэт атрымае дадатковыя 35,6 млрд рублёў за кошт адпрыбытковага падатку і на 1208 млрд за кошт адлічэнняў у Фонд сацыяльнай абароны. Таксама дзяржава страціць 217,4 млрд рублёў з падатку на прыбытак.
Як кажуць апытаныя газетай кіраўнікі прадпрыемстваў ПВТ, зараты на вядзенне бізнесу вырастуць на 15%, што значыць значныя ўбыткі для многіх кампаній, маржа якіх зараз знаходзіцца на ўзроўні каля 10%.
Такі дакумент нашкодзіць дзяржаве, адзначае дырэктар «Белхард» Ігар Маманенка: кампаніі пачнуць закрываць убытковыя праекты, змяншаць зарплаты ці зноў стануць сыходзіць у цень.
«Дзяржава, вядома, можа выяўляць і караць шэрых гульцоў, але гэта рэальна складана і дорага бо праграмны прадукт фізічна няісны, — кажа Маманенка. — Але самым небяспечным наступствам гэтых паправак можа стаць павелічэнне колькасці праграмістаў, якія хочуць эміграваць на Захад праз зніжэнне зарплаты і магчымасцей кар'ернага росту».
***
Дырэктар адміністрацыі ПВТ Валерый Цапкала распавёў TUT.BY, што «выклікае здзіўленне сама стратэгія Мінфіна, накіраваная на пераразмеркаванне некім заробленых сродкаў, а не на пошук новых шляхоў і крыніц прыбытку для краіны».
Кіраўнік ПВТ нагадаў, што нязменнасць спецыяльнага прававога рэжыму Парку высокіх тэхналогій гарантаваная Аляксандрам Лукашэнкам дэкрэтам да 2020 года.
«Дзякуючы дэкрэтам замоўцы, у першую чаргу замежныя, паверылі ў тое, што арыентацыя краіны на развіццё высокатэхналагічных вытворчасцей носіць стратэгічны і доўгачасовы характар», - сказаў Цапкала.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары