Першае беларускамоўнае набажэнства адбылося ў праваслаўнай царкве ў Сухараве ў Мінску
Пакуль, праўда, служыць на роднай мове будуць толькі раз на месяц.
Першая служба на беларускай мове адбылася 8 сакавіка ў прыходзе Св. Міхаіла Архангела (храм Св. Блажэннай Ксеніі Пецярбургскай, што ў Сухараве). Вёў службу айцец Аляксандр Шрамко. Па-беларуску прамаўляў святар, чыталіся царкоўныя тэксты, спяваў хор.
Па словах удзельніцы царкоўнага хору Наталлі Граковіч, людзей было шмат. «Я была здзіўлена, што людзей было столькі — чалавек 100. Было шмат з іншых прыходаў. Я і сама належу да іншага».
«Службы будуць адбывацца раз на месяц, як сказаў а. Аляксандр. Калі будзе патрэба часцей, то будзе разглядацца пытанне. Наступны раз папярэдне запланаваны праз тыдзень пасля Вялікадня», — адзначыла Наталля. Яна лічыць гэтую беларускамоўную службу прарывам, паколькі, па яе словах, у нас царква кансерватыўная да такіх навінак.
Храм Св. Блажэннай Ксеніі Пецярбургскай знаходзіцца на вуліцы Янкоўскага, 2. Сачыць за падзеямі прыхода можна ў суполцы ў «Фэйсбуку».
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары