Беларусы не бачылі зацьмення Месяца — яго глядзелі на процілеглым канцы Зямлі.
За зацьменнем Месяца 4 красавіка назіралі ў ЗША, Мексіцы і Канадзе, на Далёкім Усходзе і ў Сібіры ды ў Аўстраліі.
Зацьменне пачалося ў 13:16 па мінскім часе і дасягнула піку ў раёне 14:58. Цалкам Месяц быў схаваны ценем 4 хвіліны 43 секунды — гэта было самае кароткае зацьменне за апошнія 100 год.
Цікавы эфект месяцовага зацьмення — «крывавы Месяц». Калі спадарожнік захіляецца Зямлёй ад Сонца, да яго даходзіць рассеянае ў атмасферы святло, што надае Месяцу чырвоны колер.
Хай гэтае зацьменне і абмінула Беларусь, на нашых шыротах у гэтым годзе яшчэ з’явіцца «крывавы Месяц». Зацьменне Месяца 28 верасня працягнецца значна долей — 1 гадзіну і 13 хвілін, з 5:11 да 6:24 па мінскім часе.
Глядзіце таксама: Над Беларуссю назіралася сонечнае зацьменне
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць6
Каментары