У ходзе люстрацыі, якая працягваецца ва Украіне амаль паўгода, пасады страцілі каля дзвюх тысяч чалавек, заявіў прэм'ер-міністр Украіны Арсеній Яцанюк.
Паводле яго слоў, 500 чалавек былі адпраўленыя ў адстаўку прымусова. Яшчэ паўтары тысячы чалавек звольніліся па ўласным жаданні.
Украінскі закон аб люстрацыі ўступіў у сілу ў кастрычніку мінулага года. Яго палажэнні забараняюць займаць многія дзяржаўныя пасады чыноўнікам, якія працавалі пры прэзідэнце Віктары Януковічы, а таксама супрацоўнікам савецкіх спецслужбаў і карупцыянерам.
16 красавіка канстытуцыйны суд Украіны праверыць, ці не супярэчыць закон аб люстрацыі асноўнаму закону краіны.
Яцанюк заявіў, што супраць закона выступаюць чыноўнікі, якія спрабуюць вярнуцца ва ўладу.
Цяпер чытаюць
«Як толькі чуюць пра Расію — дык усё… У чым праблема?» У Мінску не хочуць здаваць кватэру чалавеку з расійскім пашпартам15
Каментары