Асноўнай тэмай перамоваў прэзідэнтаў Грузіі і Беларусі Георгія Маргвелашвілі і Аляксандра Лукашэнкі будзе палітыка падтрымкі суверэнітэту і тэрытарыяльнай цэласнасці Грузіі.
Аляксандр Лукашэнка прыбудзе ў Тбілісі з двухдзённым дзяржаўным візітам увечары 22 красавіка.
У рамках візіту запланаваныя сустрэчы з грузінскім калегам Георгіем Маргвелашвілі, прэм'ерам Іракліем Гарыбашвілі, Каталікосам — Патрыярхам усёй Грузіі Ільёй Другім, паведамляе newsgeorgia.ru.
«З палітычных тэм у першую чаргу я б падкрэсліў важнасць такіх, як палітыка падтрымкі суверэнітэту і тэрытарыяльнай цэласнасці Грузіі, падтрымка палітыкі непрызнання (незалежнасці Абхазіі і Цхінвальскага рэгіёну).
Што тычыцца напрамкаў эканомікі, гандлю і турызму — у гэтых сферах будуць аформленыя пагадненні», — заявіў дарадца прэзідэнта Грузіі па міжнародных адносінах Тэнгізам Пхаладзэ на брыфінгу ў аўторак, 21 красавіка.
У пятніцу, 24 красавіка, запланавана паездка Лукашэнкі ў Батумі, дзе ён сустрэнецца з кіраўніком урада Аджарскай аўтаномнай рэспублікі Арчылам Хабадзэ, агледзіць мясцовыя прадпрыемствы, а таксама наведае канцэрт. Акрамя таго, Лукашэнка будзе прысутнічаць на цырымоніі падпісання дамовы аб гарадах-пабрацімах паміж Батумі і Брэстам.
Кіраўнік Беларусі пакіне Грузію 24 красавіка, дадае newsgeorgia.ru.
Гэта першы афіцыйны візіт Лукашэнкі ў гэту краіну.
Каментары