Калі расіяне зразумелі, што спецназаўцы ГРУ патрапілі ў палон да ўкраінскіх вайскоўцаў, то паспрабавалі іх забіць. Пра гэта ў Брусэлі журналістам заявіў міністр замежных спраў Украіны Павел Клімкін, піша «Украінская праўда».
З'яўленне расійскіх вайскоўцаў ва ўкраінскім шпіталі кіраўнік МЗС пракаментаваў фразай — «выратаваць ад сваіх».
«Нашы вайскоўцы фактычна цягнулі іх на сваіх плячах, каб выратаваць ім жыццё. Расіяне, калі зразумелі, што тыя ў нашых руках, спрабавалі іх забіць. Гэта выпадак за межамі разумення», — падкрэсліў ён.
Клімкін таксама дадаў, што двое расійскіх афіцэраў са спецыяльнага групоўкі перасеклі ўкраінскую мяжу з канкрэтнай мэтай — здзейсніць тэрарыстычны акт на тэрыторыі Украіны. «І хачу падкрэсліць, што для мяне гэта не толькі палітычны аспект, але і маральны», — дадаў кіраўнік замежнага ведамства.
У той жа час прадстаўнік СБУ па сувязях са СМІ, былы дыпламат Маркіян Лубкіўскі наведаў расійскіх вайскоўцаў у шпіталі, пра што напісаў у сваім фэйсбуку і змясціў свежыя фота.
«Іду з лякарні… Вось такія яны, прадстаўнікі «легендарнага» расійскага спецназу.. капітан Ерафееў і сяржант Аляксандраў…
Спалоханыя, здзіўленыя, вартыя жалю і бездапаможныя …
Толькі сяржанту дактары выратавалі нагу — раніцой трэба было б ужо ампутаваць … Пераліваюць кроў і плазму…
Цяжка разабрацца ва ўласных пачуццях — нейкая сумесь нянавісці і лютасці, шкадавання па нашых ахвярах і нават чалавечай міласэрнасці …
Паспрабаваў датэлефанавацца да родных Аляксандрава — тэлефоны маўчаць. І Расія маўчыць…».
Расія адмаўляе палон сваіх вайскоўцаў. Украіна заяўляе, што спецназаўцы былі захопленыя ў палон каля населенага пункта Шчасце.
У панядзелак прэс-сакратар прэзідэнта Расіі Дзмітрый Пяскоў заявіў, што Крэмль не мае намеру правяраць чуткі аб затрыманні расійскіх вайскоўцаў на Данбасе. «Гэта не тэма адміністрацыі прэзідэнта. Гэтае пытанне трэба адрасаваць не да нас. Неаднаразова казалася і намі, і міністэрствам абароны, што ніякіх расійскіх вайскоўцаў у Данбасе няма», — сказаў Пяскоў.
-
Рутэ: Вайскоўцы краін НАТА з’явяцца ва Украіне адразу пасля заключэння мірнага пагаднення
-
Наўседа: Я буду сярод тых, хто найбольш жорстка патрабуе падаўжэння санкцый ЕС супраць Беларусі
-
Біл і Хілары Клінтан пагадзіліся даць паказанні Кангрэсу аб сувязях з Эпштэйнам. Адмова пагражала ім крымінальнай справай
Цяпер чытаюць
Калеснікава: Лукашэнка можа пайсці на спыненне рэпрэсій дзеля будучыні і «з нейкай мудрасці»27
Каментары