Лічба дня: колькі беларусу трэба працаваць, каб купіць дом, як у Шчоткінай
Мар'яна Шчоткіна лічыць, што беларусам варта працаваць яшчэ больш. Тым, хто зарабляе мала, яна раіць «пакруціцца» і знайсці другую працу.
Сама міністр цяпер заканчвае будаўніцтва ўласнага дома ў элітным пасёлку Веснінка, дзе ў яе 11 сотак зямлі. Тут па суседстве з ёй жывуць і іншыя вышэйшыя чыноўнікі. Кошт зямлі і нерухомасці, як у Шчоткінай, рыэлтарамі ацэньваецца прыкладна ў 1 млн даляраў. Праўда, гэта кошт продажны. Кошт будаўніцтва, канечне, будзе меншы.
Сярэдні заробак у Беларусі ў красавіку 2015 склау 452 даляра. Атрымліваецца, простаму беларусу давядзецца працаваць 184 гады, каб купіць такі дом.
Якія яшчэ парады міністр працы давала беларусам, каб жыць стала лепш?
Калі муж утрымлівае жонку — хатнюю гаспадыню, хай яшчэ заплаціць за яе падатак
«Калі муж добра зарабляе і можа сабе дазволіць, каб жонка не працавала, і яны прынялі такое рашэнне, то 20 базавых (падатак на дармаедства) — невялікая сума, яе можна і аплаціць».
Беспрацоўных трэба заціснуць яшчэ больш
«Да нас паступаюць прапановы аб змене падыходаў да рэгістрацыі беспрацоўных. І мы будзем гэта рабіць. Гаворка ідзе пра тое, каб заканадаўства аб занятасці было менш лаяльным да тых, хто сваё нежаданне працаваць хоча прыкрыць статусам беспрацоўнага».
Не трэба скардзіцца на нізкія пенсіі
«Перш за ўсё, трэба выхоўваць сваіх дзяцей, якія будуць вам потым дапамагаць. Я думаю, што сям'я заўсёды падтрымае члена сям'і. Гэта раз. Дзяржава падтрымае ў меру магчымасцяў».
Працаваць не прымушаюць, але падатак заплаціць прыйдзецца
«Ніхто з голаду не памрэ. Дапамогу па беспрацоўі мы не плануем павялічваць. Калі ў чалавека ляжаць мільёны ў касе, і ён на іх жыве, яму будзе нескладана заплаціць 3 мільёны 600 тысяч (падатак на дармаедства). Ён карыстаецца ўсімі выгодамі дзяржавы. Ніхто нікога не прымушае працаваць. Калі здаеш кватэру, плаціш падаткі, калі ласка, дзякуй вам за гэта, жывіце як хочаце — дэмакратычнае грамадства».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары