Дык ці будзе ў Беларусі нацыяналізм, або Куды падацца патрыёту ў Беларусі?
Пытанне не такое і простае, як можа падацца. Вось нядаўна міністр замежных спраў Макей заявіў, што улада не дапусціць на Беларусі нацыяналізму, але чыйго? Беларускага, расейскага, а можа, лаоскага? Макей меў на ўвазе нацыяналізм як нешта дрэннае.
Я сябар Салігорскай суполкі ТБМ, у яе ж уваходзіць і мой дарослы сын Малочка Аляксандр, якога нядаўна затрымалі супрацоўнікі ДАІ Салігорска і якому было адмоўлена ў складанні пратакола па-беларуску.
Гісторыя мае працяг. Пратакол на Аляксандра, дарэчы, склалі за тое, што ў яго на аўто на пасажырскіх вокнах былі так званыя шторкі, што дапускаецца тэхрэгламентам Беларусі. Гэта па-першае. Па-другое, пратакол склалі як за паўторнае парушэнне на працягу года.
У пятніцу 2 ліпеня яго выклікалі ў Салігорскую ДАІ для разгляду справы. Аказалася, што паўторнасці няма і супрацоўнікі ДАІ хочуць перапісаць пратакол. Але яны і чуць не хочуць пра складанне пратакола па-беларуску. Адклалі разгляд — будуць думаць!
У краіне двухмоўе, кажуць даішнікі. А зараз пытанне да спадароў Макея і Трусава: ці павінен просты грамадзянін нашай краіны ведаць абедзве дзяржаўныя мовы? Ці павінны дзяржслужачыя, у тым ліку і супрацоўнікі ДАІ, ведаць абедзве дзяржаўныя мовы і не «адфутбольваць» адну з іх — беларускую?
Дык я ж сам юрыст, два дзясяткі гадоў аддаў службе ў міліцыі. Адказ ясны: дзяржслужачыя павінны ведаць абедзве дзяржаўныя мовы, а просты грамадзянін мае права гаварыць, і пісаць, і чытаць на любой!
А далей было вось што. Мне даслалі раздрукоўку са старонкі ўкантакце сына аднаго з супрацоўнікаў ДАІ, які складаў пратакол на Аляксандра і якому 17 гадоў. Што там напісана? Што ён «русский». І мяне ўразіла, што ў перапісцы з сябрамі пра затрыманне Аляксандра гэты хлопец піша: «Найду этого националиста…» Гэта піша 17-гадовы юнак, сын супрацоўніка ДАІ, які працуе на беларускую дзяржаву!
У вачах гэтага хлопца Аляксандр — «нацыяналіст» (у дрэнным сэнсе) толькі за тое, што запатрабаваў, каб склалі пратакол на дзяржаўнай беларускай мове!
Дык якога «нацыяналізму» не павінна дапусціць Беларуская дзяржава?
-
Штрафы за прапаганду бяздзетнасці? «Хай сам нараджае»
-
Ганна Бонд пакпіла наконт «выцця з балот» пра арышты ў архітэктурным бюро «Зробім». Ох ёй і адказалі
-
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках
Цяпер чытаюць
Хто той замежнік, які забіў жонку і згвалтаваў падчарыцу ў Добрушы5
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары