Саакашвілі хоча зрабіць сваёй намесніцай расійскую апазіцыянерку Гайдар
Старшыня Адэскай абласной дзяржаўнай адміністрацыі Міхаіл Саакашвілі просіць прэзідэнта Украіны Пятра Парашэнку даць грамадзянцы Расіі Марыі Гайдар ўкраінскае грамадзянства для прызначэння яе на пасаду свайго намесніка.
Пра гэта ён сказаў на сустрэчы з прадстаўнікамі еўрапейскай бізнес асацыяцыі.
«Мы просім прэзідэнта даць ёй украінскае грамадзянства», — сказаў ён.
Паводле яго слоў, Гайдар вельмі вядомы расійскі палітычны лідар, а ў яго камандзе будзе займацца сацыяльнай сферай.
Саакашвілі таксама мае намер скараціць апарат адміністрацыі ў два разы. «Мы будзем скарачаць штат. Апарат скарачаем удвая: з 800 да 400 чалавек», — сказаў ён.
Марыя Гайдар з'яўляецца дачкой расійскага палітыка і рэфарматара Ягора Гайдара. Сама яна таксама займалася палітыкай і была ў апазіцыі ў Расіі. У 2009-2011 гадах Гайдар была намеснікам старшыні ўрада Кіраўскай вобласці РФ па пытаннях аховы здароўя і сацыяльнага развіцця. У апошні час працавала яшчэ і журналісткай радыё «Эхо Москвы».
Марыя Гайдар таксама з'яўляецца праўнучкай аўтара вядомай дзіцячай кнігі «Цімур і яго каманда» Аркадзя Гайдара.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары