19 ліпеня з раніцы на Зялёным мосце працуюць рабочыя. Распачаты працы па дэмантажы савецкіх скульптур.
Спецыялісты неаднаразова канстатавалі, што скульптуры знаходзяцца ў аварыйным стане і ўяўляюць небяспеку для мінакоў. Высновы найноўшай экспертызы спецыялістаў Віленскага тэхнічнага ўніверсітэта імя Гедыміна паказалі, што за апошнія 6 гадоў расколіны павялічыліся, і працэс паскорыўся.
Нестабільныя часткі скульптур у любы момант могуць зваліцца на мінакоў або на набярэжную ракі. Па словах экспертаў, калі будуць марудзіць, то ў будучыні з-за аварыйнага стану скульптуры складана будзе дэмантаваць.
Дэпартамент культурнай спадчыны дазволіў мэрыі часова зняць скульптуры, каб іх можна было адрэстаўраваць, аднак з спісу культурных каштоўнасцяў іх не выкраслілі.
Толькі калі іх выкрасляць са спісу, скульптуры можна будзе не вяртаць на ранейшае месца. Пытанне рэстаўрацыі скульптур мэрыя будзе вырашаць пазней.
Чатыры скульптуры — рабочых, сялян, студэнтаў і вайскоўцаў — з'явіліся на мосце ў 1952 годзе. Крытыкі лічаць гэтыя скульптуры часткай савецкай прапаганды. На іх думку, скульптуры раняць людзей, якія змагаліся за вызваленне Літвы. Тыя, хто выступае ў абарону скульптур, называюць іх часткай гісторыі.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары