У Расіі страчаныя амаль 300 тысяч крымінальных спраў аб злачынствах мінулых гадоў. Пра гэта паведаміў першы намеснік генпракурора РФ Аляксандр Буксман падчас выступу з дакладам на калегіі нагляднага ведамства, прысвечанай вынікам працы ў першым паўгоддзі 2015 года.
«Чым глыбей мы апускаемся ў праблемы прававой статыстыкі, тым цяжэйшымі яны перад намі паўстаюць», - прызнаў першы намеснік генпракурора.
«Нядаўна з падачы Генеральнай пракуратуры Расіі выяўленыя маштабы страты крымінальных спраў аб нераскрытых злачынствах мінулых гадоў, — адзначыў Буксман. — Выяўлена 98 тысяч такіх фактаў, з якіх кожны пяты — гэта справы аб цяжкіх і асабліва цяжкіх злачынствах, у тым ліку пра тысячу забойстваў. У Саратаўскай вобласці да катэгорыі цяжкіх ставяцца 3/4 згубленых спраў. У цяперашні час агулам па краіне не выяўленае месцазнаходжанне 270 тысяч крымінальных спраў».
Так, паводле яго слоў, цалкам відавочна, што «імклівы рост «п'яных» злачынстваў рэцыдыўных і іншых шмат у чым абумоўлены навядзеннем парадку ў прававой статыстыцы (што ўключае ў сябе ўлік злачынстваў)».
У 2012 годзе вядзенне прававой статыстыкі ў Расіі было перададзена ад МУС у Генпракуратуру, з таго часу больш чым на траціну «падскочыла» колькасць злачынстваў, здзейсненых у стане алкагольнага ап’янення, на 10% — злачынствы, здзейсненыя асобамі, што раней здзяйснялі злачынствы.
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1010
Каментары