Спявачка, ураджэнка Екацярынбурга Юлія Чычэрына ў інтэрв'ю каналу LifeNews крытычна выказалася пра музыку, лідара рок-гурту «Машына часу» Андрэя Макарэвіча.
Асноўнай тэмай інтэрв'ю стаў бягучы падзел музыкаў па палітычных перакананнях і па ўкраінскім пытанні. Макарэвіча, падвергнутага ганенню за канцэрты ва ўкраінскім Славянску, Чычэрына назвала старым і дурным. «Мне яго шкада. Не дай бог нікому такога пад старасць гадоў. Проста яму нейкі саўковы гонар непрагінання пад свет не дазваляе спыніцца і зразумець: што ж ты робіш, Андруша. Ды і бог з ім. Можа, адумаецца», - сказала спявачка.
Сама Чычэрына дала некалькі канцэртаў у Данецкай і Луганскай «народных рэспубліках». Акрамя таго, спявачка выступала на канцэрце ў Маскве падчас акцыі «Антимайдан»
21 лютага, чым выклікала крытыку з боку ліберальна настроеных калегаў. У прыватнасці, былы прадзюсар «Нашага радыё» Міхаіл Козыраў, які калісьці які дапамагаў Чачэрынай з «раскруткай», напісаў на сваёй старонцы ў фэйсбуку: «Не пасылайце мне папрокі ў тым, што я дапамагаў гэтай артыстцы. Ніколі не ведаеш, калі лопне скура і з чалавека вылупіцца зубасты слінявы «чужы». За песню «Мой рок-н-рол» толькі крыўдна … ».
У інтэрв'ю LifeNews Чычэрына пракаментавала абвінавачванні ў здрадзе рок-н-ролу. «Па-мойму, быць здраднікам Радзімы горш, чым здраднікам нейкага там рок-н-ролу».
Нагадаем, для расійскіх культурных дзеячаў падтрымка Украіны можа абярнуцца непрыемнасцямі. Пасля выступу Макарэвіча ў Славянску, былі адмененыя канцэрты музыканта ў шэрагу расійскіх гарадоў, у тым ліку і ў Екацярынбургу.
Спявачка Земфіра ў пачатку ліпеня падчас свайго выступу ў Тбілісі разгарнула на сцэне сцяг Украіны, які ёй перадалі з залы. Пасля гэтага артыстка стала аб'ектам нападак з боку калегаў, яе канцэрты ў Крыме і Санкт-Пецярбургу былі адмененыя. Акрамя таго, пасля выступу ў Тбілісі на Земфіру падаў заяву ў паліцыю жыхар Растоўскай вобласці. Земфіра нібыта абразіла яго падчас канцэрту ў кастрычніку 2013 года. Цяпер вырашаецца пытанне аб узбуджэнні крымінальнай справы аб хуліганстве.
Рок-музыка Барыс Грабеншчыкоў нядаўна сустрэўся з губернатарам Адэскай вобласці Міхаілам Саакашвілі. Дэпутат Дзярждумы РФ, член камітэта па абароне Аляксей Жураўлёў назваў ўчынак Грабеншчыкова «здрадай» і заявіў, што такія, як Грабеншчыкоў, «будуць выкраслены з гісторыі РФ».
Цяпер чытаюць
Лукашэнка: Я на перамовах з амерыканцамі і еўрапейцамі кажу: «Я гатовы перагарнуць старонку»18
Каментары