Часовая следчая камісія Вярхоўнай рады Украіны назвала прычынай скандальнай перастрэлкі ў Мукачаве перадзел сфер уплыву.
Кіраўнік камісіі Мікалай Паламарчук на пасяджэнні парламента заявіў, што спрэчка паміж прадстаўнікамі «Правага сектара» і мясцовымі палітыкамі датычылася кантролю за патокам кантрабанды, якая ўвозіцца на Украіну праз Закарпацкую вобласць.
На думку камісіі, канфлікт справакавалі сілавікі: яны не толькі ведалі аб маючай адбыцца сустрэчы, якая ў выніку скончылася перастрэлкай, але і ўдзельнічалі ў ёй.
Менавіта кіраўнікі мясцовых упраўленняў МУС і СБУ, на думку камісіі, у значнай ступені справакавалі канфлікт. На думку Паламарчука, сілавікі былі асабіста зацікаўленыя ў зыходзе перадзелу сфер уплыву.
У той жа час камісія адзначае, што глебу для канфлікту падрыхтавала беспакаранасць мясцовых узброеных груп, якія выкарыстоўваюць сімволіку патрыятычных арганізацый. Напрамую Паламарчук гэтыя групоўкі называць не стаў.
Перастрэлка ў закарпацкім пасёлку Мукачава адбылася ў пачатку ліпеня. У выніку былі спаленыя некалькі міліцэйскіх машын, забітыя тры чалавекі. Раненні ў выніку стральбы атрымалі яшчэ 14 чалавек.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары