Трое мужчын без пэўнага месца жыхарства праніклі ў гараж жыхара Мазыра, праламаўшы ў ім сцяну, аднак выбрацца назад змаглі не ўсе.
Як паведамляе УУС Гомельскага аблвыканкама са спасылкай на намесніка начальніка Мазырскага РАУС Уладзіміра Старавойта, інцыдэнт здарыўся 4 кастрычніка ў гаражным кааператыве на вуліцы Інтэрнацыянальнай райцэнтра.
Мужчыны збіраліся пажывіцца запасамі на зіму, якія знаходзіліся ў гаражы. Праламаўшы сцяну, яны праніклі ўнутр, знайшлі прадукты харчавання і зладзілі ў памяшканні імправізаваную пагулянку. Але неўзабаве былі заспетыя гаспадаром.
З месца злачынства бяздомныя спрабавалі ўцячы праз той жа праём. У двух гэта атрымалася, а трэці не змог праціснуцца ў адтуліну.
Злодзея на месцы здарэння затрымалі супрацоўнікі дэпартамента аховы. Пазней міліцыянеры знайшлі і яго саўдзельнікаў. Матэрыялы па факце здарэння перададзеныя ў Мазырскі РАСК для распачынання крымінальнай справы.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Цяпер чытаюць
Першы беларускі пашпарт з «Пагоняй» атрымаў Лукашэнка, а другі — школьнік Юрый Чарняк. Як склаўся лёс хлопца?7
Каментары