Улады Масквы ўзгаднілі нацыяналістам правядзенне 4 лістапада «Рускага маршу» ў раёне Любліна.
Намеснік кіраўніка сталічнага дэпартамента бяспекі Васіль Алейнік заявіў інфармагенцтвам, што ўдзельнікі акцыі пройдуць 4 лістапада шэсцем па вуліцы Пярэрва, а затым правядуць мітынг.
Па словах Алейніка, мэтай акцыі заяўлена святкаванне Дня народнага адзінства. Чаканая колькасць мерапрыемства складае 5000 чалавек. Нацыяналісты пацвердзілі, што атрымалі паперу з дазволам на правядзенне акцыі.
Раней нацыяналіст Дзмітрый Дзёмушкін заявіў, што мэрыя адказала адмовай на яго заяўку на правядзенне мерапрыемства. У той жа час ён удакладніў, што апроч яго аналагічныя заяўкі падалі яшчэ некалькі нацыяналістаў.
«Рускі марш» штогод праходзіць практычна ва ўсіх буйных расійскіх гарадах. Аднак сёлеты ўлады Пецярбурга, Екацярынбурга і Калінінграда адмовіліся ўзгадніць мерапрыемства.
Акрамя таго, у многіх іншых гарадах, уключаючы Омск і Перм, арганізатары самі адмовіліся ад маршу і нават не сталі падаваць заяўку на яго правядзенне.
Першы «Рускі марш» прайшоў у 2005 годзе. У Маскве цяперашняе мерапрыемства стане 11-м па ліку. У 2014 годзе паліцыя ацаніла колькасць удзельнікаў «Рускага маршу» у Маскве ў дзве тысячы, а арганізатары — у 10 тысяч чалавек.
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам14
Каментары