На «Гродна Азоце» адбылася ўцечка аміяку: адзін з рабочых у рэанімацыі
Інцыдэнт адбыўся 29 кастрычніка каля 20.00.
— На ААТ «Гродна Азот» адбылася разгерметызацыя трубаправода вяртання вадкага аміяку ў месцы яго праходжання праз сцяну корпуса цэха. У выніку здарыўся выхад каля 200 кг аміяку ў памяшканне корпуса, — паведамілі ў МНС.
Да прыбыцця падраздзяленняў МНС дзяжурная змена прадпрыемства спыніла цэх, перакрыла засаўку падачы аміяку.
— Слесар, што зачыняў засаўкі, атрымаў хімічны апёк твару, верхніх і ніжніх дыхальных шляхоў. Мужчына шпіталізаваны ў рэанімацыйнае аддзяленне, ён у стабільна цяжкім стане.
На месца прыбылі ратавальнікі — у тым ліку служба хімічнай і радыяцыйнай абароны. Супрацоўнікі МНС правялі асаджэнне аміячнага воблака.
Для ўстанаўлення прычын інцыдэнту працуе камісія.
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары