Нацыянальны банк Беларусі на спецыяльнай прэс-канферэнцыі, якая прайшла ў аўторак у Цэнтральным сховішчы, паказаў новыя беларускія грошы. Яны паступяць у абарачэнне не раней за ліпень 2016 года.
Прэзентацыя пачалася з манеты самага малога наміналу — 1 капейкі. Намеснік старшыні праўлення Нацбанка Дзмітрый Лапко распавёў, што яна выраблена са сплаву сталі і пакрыта меддзю, таму мае чырвоны колер, як і манеты наміналам 2 і 5 капеек. Манеты наміналам 10, 20 і 50 капеек выпушчаныя са сталі і пакрытыя меддзю і латунню, таму маюць жоўты колер.
Пры дэманстрацыі купюр супрацоўнікі Нацбанка распавялі, дзе былі вырабленыя новыя беларускія грошы. Манеты былі адбітыя ў Літве і Славаччыне. Купюры аддрукаваныя фірмай «Томас дэ ля Ру» — адным з сусветных лідараў валютнай індустрыі па вытворчасці банкнот, каштоўных папер, банкаўскага абсталявання ў Вялікабрытаніі.
Дэнамінацыя будзе самай буйной у гісторыі краіны — у 10 тысяч разоў. У Беларусі з'явяцца новыя купюры (7 наміналаў) і манеты (8 наміналаў). Самая буйная купюра — 500 рублёў (цяперашнія 5 мільёнаў). Самая дробная манета — 1 капейка (цяперашнія 100 рублёў).
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў9
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары