Банкі не абавязаны пазначаць інфармацыю аб падаходным падатку па ўкладах у рэкламе, паведаміла сёння ў час анлайн-канферэнцыі на сайце БЕЛТА начальнік галоўнага ўпраўлення рэгулявання банкаўскіх аперацый Нацыянальнага банка Беларусі Ілона Лядніцкая.
«У рэкламе і дагаворы банкі не абавязаны пазначаць інфармацыю аб падаходным падатку, што ўтрымліваецца ў адпаведнасці з дэкрэтам нумар 7. Спагнанне падаходнага падатку залежыць ад некалькіх фактараў, якія не залежаць ад банка, тады як у рэкламе пазначаюцца канкрэтныя факты і ўмовы па прапанаваным прадукце», — сказала кіраўнік упраўлення. Яна адзначыла, што дагавор банкаўскага ўкладу змяшчае ўмовы, якія датычацца банкаўскага ўкладу.
У цэлым пытанні падаткаабкладання рэгулююцца адпаведнымі актамі беларускага заканадаўства. Аднак, паводле слоў Ілоны Лядніцкай, пры заключэнні дагавора банкі інфармуюць укладчыкаў аб усіх умовах размяшчэння грашовых сродкаў ва ўклад, у тым ліку пры якіх умовах даходы ад гэтага будуць падлягаць падаткаабкладанню.
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока1
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары