Кітайскі пошукавік Baidu пачаў распрацоўку беспілотнага аўтобуса: праз пяць гадоў яго вытворчасць мае стаць масавай
Кітайская пошукавая сістэма Baidu праз тры гады мае намер зладзіць палявыя выпрабаванні беспілотнага аўтобуса.
Найбуйнейшы пошукавік Кітая Baidu праз тры гады прадставіць беспілотны аўтобус, а праз пяць гадоў запусціць яго ў масавую вытворчасць, заявіў прадстаўнік кампаніі агенцтву Reuters. Ён адмовіўся удакладняць, якія аўтавытворцы удзельнічаюць у праекце.
У Baidu створана спецыяльнае падраздзяленне па распрацоўцы самакіраваных транспартных сродкаў, якое ў якасці генеральнага менеджара ўзначаліў старэйшы віцэ-прэзідэнт кампаніі Ван Цзын.
Baidu таксама плануе праз пяць гадоў выпусціць на рынак аўтаномны пасажырскі аўтамабіль, які будзе распрацаваны сумесна з BMW.
Прадстаўнік кітайскай кампаніі не стаў удакладняць аб'ём інвестыцый, накіраваных на беспілотныя транспартныя сродкі.
Reuters нагадвае, што раней пра намер стварыць беспілотны аўтамабіль у партнёрстве з аўтакампаній SAIC Motor заявіў інтэрнэт-рэтэйлер Alibaba. У ЗША аналагічнымі распрацоўкамі ўжо даўно займаюцца Google і Apple.
У лістападзе таксама стала вядома пра праекты па стварэнні самакіраваных аўтамабіляў нямецкага канцэрна Volkswagen і шведскай каманіі Volvo, якая прыцягнула да распрацоўкі Microsoft. Карэйская карпарацыя Samsung абвясціла аб адкрыцці падраздзялення, якое зоймецца распрацоўкай кампанентаў для беспілотных машын.
Цяпер чытаюць
«Спадзяюся, але не факт, што паступлю»: абітурыентка, якая здала ўсе іспыты на 100 балаў9
Каментары