Іспанская паліцыя канфіскавала ў кантрабандыстаў каля трох тон какаіну, якія прызначаліся для паўднёвых рэгіёнаў краіны.
Аперацыя па канфіскацыі наркотыкаў праводзілася ў рэгіёне Галісія на паўночным захадзе краіны. У апошні раз партыю такога памеру ў рэгіёне перахоплівалі ў 1999 годзе.
У ходзе аперацыі ўдалося затрымаць як наркакур'ераў, так і пакупнікоў з прадаўцамі. Кур'еры аказаліся іспанцамі, прадаўцы — галандцамі, а пакупнікі — брытанцамі.
Усяго затрыманыя 12 чалавек. Падрабязнасці аб аперацыі пакуль не прыводзяцца. У прыватнасці, паліцыя адмовілася паведаміць, як выйшла на след наркагандляроў.
Наркамафія ўжо доўгія гады выкарыстоўвае Галісію для ўвозу наркотыкаў у Еўропу. У гэтую прыбярэжную вобласць зручна дастаўляць лацінаамерыканскі какаін і афрыканскі гашыш.
Пры гэтым наркагандляры актыўныя і ў іншых рэгіёнах краіны. У прыватнасці, за апошнія два месяцы паліцыя каралеўства затрымала адразу трох меркаваных наркабаронаў.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна11
Каментары