Аўтарка «Нашай Нівы» Ганна Севярынец атрымала галоўную ўзнагароду конкурсу для аўтараў-пачаткоўцаў
Галоўная ўзнагарода літаратурнага конкурсу для аўтараў-пачаткоўцаў «Першая глава» ўручана Ганне Севярынец за аповесць «Дзень святога Патрыка». Пра гэта БелТА паведамілі арганізатары конкурсу выдавецтва «Рэгістр».
Гэта галоўная намінацыя конкурсу — «Выбар прафесійнага журы». Ганна атрымала магчымасць заключыць кантракт з выдавецтвам «Рэгістр» на выданне сваёй кнігі ў папяровым варыянце, а таксама рэкламную кампанію ў яе падтрымку (прэзентацыі, сустрэчы з аўтарам, прафесійны буктрэйлер).
У намінацыі «Выбар чытачоў» узнагарода дасталася Марыне Белікавай за раман «Каб нарадзіцца зноў». Пераможца атрымала кантракт на выданне кнігі ў электронным варыянце і рэкламную кампанію ў яе падтрымку. Перамога ў трэцяй намінацыі конкурсу — «Выбар рэдакцыі» — прысуджана адразу тром аўтарам: Алісе Кураж (раман «Дом падзелены»), Міхаілу Лучыцкаму (раман «Месца на рэі») і Наталлі Лось (раман «Выкананне жаданняў»). Усе тры аўтары змогуць выдаць свае творы ў электронным выглядзе.
* * *
«Наша Ніва» далучаецца да віншаванняў.
Чытайце таксама:
Ганна Севярынец. Мае хлопцы. Апавяданне
Ганна Севярынец. Залатая цыбулінка, срэбная часначынка. Апавяданне
X
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары