Прэзідэнт Украіны Пятро Парашэнка заклікаў прэм'ер-міністра Арсеня Яцанюка і генпракурора Віктара Шокіна сысці ў адстаўку. Адпаведны зварот ужо з'явіўся на сайце Парашэнкі.
«Сёння раніцай я сустракаўся і грунтоўна паразмаўляў з Генеральным пракурорам. Я звярнуўся да Віктара Мікалаевіча з прапановай, каб ён напісаў заяву аб адстаўцы», — паведаміў ён.
Парашэнка адзначыў дасягненні Шокіна ва ўкараненні важных рэформаў, аднак канстатаваў, што генпракуратура «не змагла заручыцца даверам грамадства».
«І менавіта таму на парадку дня стаіць пытанне аб адстаўцы генпракурора», — растлумачыў ён.
Таксама ён лічыць, што «з такімі ж меркамі варта падыходзіць і да ўрада».
«Кабінет міністраў зрабіў нямала для выратавання краіны, стабілізацыі эканамічнай сітуацыі і старту рэформаў. Але грамадства відавочна вырашыла, што памылак больш, чым дасягненняў, і адмовіла міністрам у даверы», — заявіў Парашэнка.
«Пакуль што ў прэм'ер-міністра захоўваецца магчымасць выбраць, якім чынам лепш даць прастору для рэалізацыі гэтага запыту. Татальнае перафарматаванне Кабінета Міністраў павінна адбывацца на аснове дзеючай кааліцыі ў складзе «Салідарнасці», «Народнага фронту», «Самапомачы» і «Бацькаўшчыны», — лічыць Парашэнка.
«Асабліва апелюю да «Народнага фронту» і яго лідараў, з якімі поплеч пройдзены цяжкі шлях; якіх лічыў, лічу і далей лічыць сваімі аднадумцамі і палітычнымі партнёрамі», — дадаў Парашэнка.
Парашэнка выказаўся супраць правядзення датэрміновых выбараў Рады і запэўніў, што скарыстаецца сваім правам распусціць парламент «толькі ў крайнім выпадку, якога мы проста не маем права дапусціць».
Лідар «Народнага фронту» Яцанюк трапіў пад крытыку рэфарматарскіх сілаў ва Украіне, калі паспрабаваў захаваць пад кантролем бізнэс-груповак асобныя прыбытковыя дзяржаўныя прадпрыемствы. У сваю чаргу, сярод насельніцтва Яцанюк непапулярны ў сувязі з ростам тарыфаў ЖКГ і падзеннем пенсій.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары