Заплянаваны на 17 красавіка ў менскім Палацы рэспублікі вялікі канцэрт украінскай сьпявачкі Русланы — пераможцы Эўрабачаньня‑2005 — не адбудзецца.
Руслана |
Заплянаваны на 17 красавіка ў менскім Палацы рэспублікі вялікі канцэрт украінскай сьпявачкі Русланы — пераможцы Эўрабачаньня‑2005 — не адбудзецца. У білетных касах Эўрарадыё паведамілі пра адмену канцэрту зь невядомай прычыны.
Як распавёў Эўрарадыё Юрый Мельнік, дырэктар па міжнародных камунікацыях Русланы, адмена канцэрту зьвязана выключна са шчыльным гастрольным графікам сьпявачкі:
«У сувязі зь цяжкім графікам Русланы мы вымушаны былі адмяніць канцэрт. Тым ня менш, мы абавязкова зьбіраемся ў Беларусь з прэм’ерай новага шоў Русланы. Можна сказаць, што канцэрт перанесены, толькі ня ведаем, на калі канкрэтна…».
Па словах Юрыя Мельніка, арганізатары канцэрту ў Менску аднесьліся да адмены выступу з разуменьнем:
«Яны пачалі прапаноўваць вызначыцца з іншай датай і ўсё‑такі зрабіць канцэрт у Менску».
Дарэчы, нядаўна ўбачыў сьвет новы альбом Русланы «Амазонкі». У плянах сьпявачкі — прэзэнтацыя альбому й шоў «Амазонкі» у розных краінах сьвету, у тым ліку і ў Беларусі.
Фота — ruslana.ua
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі25
Каментары