Саюз Еўрапейскіх футбольных асацыяцый (УЕФА) не стаў караць паўабаронцу маскоўскага «Лакаматыва» Дзмітрыя Тарасава дыскваліфікацыяй за дэманстрацыю майкі з партрэтам расейскага прэзыдэнта Уладзіміра Пуціна пасля матчу Лігі Еўропы.
Як паведамляе прэс-служба УЕФА, дысцыплінарная камісія вырашыла абмежавацца накладаннем на гульца штрафу ў памеры пяці тысяч еўра, хоць за дэманстрацыю ніжняй бялізны з палітычнай сімволікай яму пагражала дзесяціматчавая дыскваліфікацыя.
Інцыдэнт, які стаў прычынай разбору, адбыўся 16 лютага пасля матчу паміж «Лакаматывам» і турэцкім «Фенербахчэ». Тарасаў зняў футболку, пад якой была майка з выявай Пуціна і надпісам «Самы ветлівы прэзідэнт».
Пры гэтым правілы УЕФА забараняюць дэманстраваць элементы адзення, на якіх размешчаныя «палітычныя, рэлігійныя, асабістыя заявы, а таксама малюнкі або лагатыпы».
Агенцтва «Р-Спорт» са спасылкай на неназваную крыніцу паведамляла, што «Лакаматыў» аштрафаваў Тарасава за такія паводзіны на 300 тысяч еўра. Афіцыйнага пацверджання гэтай інфармацыі няма.
«Лакаматыў» прайграў той матч турэцкаму клубу з лікам 0:2 і, не здолеўшы перамагчы ў матчы ў адказ, вылецеў з Лігі Еўропы.
Цяпер чытаюць
Хто забараняе ў Беларусі кнігі — вось гэтыя 22 чалавекі29
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары