Віцебскім гарадскім аддзелам Следчага камітэта расследуецца крымінальная справа, распачатая ў дачыненні да заснавальніка і каардынатара дабрачыннага праекта «Добро твори» Тамашэвіча Дзяніса Сяргеевіча, паведамляе прэс-служба Следчага камітэта.
У ходзе следства ўстаноўлена, што 23-гадовы абвінавачаны адкрыў на сваё імя дабрачынны рахунак у віцебскім філіяле аднаго з беларускіх банкаў. Пасля чаго пры дапамозе электроннай пошты на адрас арганізацый горада Мінска і Віцебска разаслаў лісты з просьбай аказаць спонсарскую дапамогу дзецям-сіротам, якія жывуць у дзіцячых дамах. Загадзя не маючы намеру перадаваць дзецям грошы, атрыманыя ад арганізацый, якія адгукнуліся паўдзельнічаць у дабрачыннасці, абвінавачаны здымаў пералічаныя грашовыя сродкі і распараджаўся імі па ўласным меркаванні.
На аснове сабраных доказаў Д.Тамашэвічу прад'яўлена абвінавачванне па ч.3 арт.209 (махлярства, здзейсненае ў буйным памеры) Крымінальнага кодэкса Рэспублікі Беларусь. Да абвінавачанага ўжыта мера стрымання ў выглядзе змяшчэння пад варту.
Неабходна адзначыць, што абвінавачваны выбіраў арганізацыі выпадковым чынам, выкарыстоўваючы даведнікі прадпрыемстваў і каталогі арганізацый, прадстаўленых у Рэспубліцы Беларусь. У цяперашні час у следчыя органы звярнулася 29 арганізацый, заснавальнікі якіх пацярпелі ад дзеянняў абвінавачанага.
Праваахоўныя органы працягваюць працаваць над выствятленнем фактаў злачыннай дзейнасці заснавальніка
Калі вы лічыце, што пацярпелі ад дзеянняў асобы, паказанай на фатаграфіі, просім Вас звярнуцца ва ўпраўленне Следчага камітэта Рэспублікі Беларусь па Віцебскай вобласці па адрасе: горад Віцебск, праспект Маскоўскі, 51А (кантактны тэлефон 80212 46-21-48).
-
Беларускі зняволены мала таго, што стрэс грошы з Расіі за ўмовы ўтрымання ў СІЗА, дык яшчэ і выбіў кампенсацыю за доўгае чаканне тых грошай
-
У цэнтры Мінска матацыкліст жорстка ўрэзаўся ў аўто — ажно пераляцеў машыну ВІДЭА
-
У Мюнхене беларус, украінец і немец у масках і са зброяй абрабавалі мінака. Ужо праз восем хвілін іх арыштавалі
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары